-🔴 «Жедел қызмет 111» — отбасы, әйелдер және балалар құқықтары мәселелері жөніндегі республикалық қоғамдық кеңестің жанынан отбасы, әйелдер және балалар құқықтарын қорғау мәселелері бойынша кешенді көмек көрсету. Тұрмыстық өткір мәселелердің, буллингтің және балалардың құқықтарының бұзылуының алдын алу;
🔴 8(714-2)37-08-58, 8-708-087-42-01 – Қостанай облысы әкімдігі білім басқармасының психологиялық қолдау орталығының өмірлік қиын жағдайға тап болған балалар мен жасөспірімдерге (ата-аналарға) арналған сенім телефоны. Психологиялық көмек, қолдауды білікті психологтар көрсетеді. Тегін. Анонимді және тәулік бойы;
🔴 112 нөмері –жедел ден қою қызметтерін шақырудың бірыңғай нөмірі: өртке қарсы қызмет, полиция және жедел медициналық көмек.
«Психологиялық алаң» жазғы уақытта оқушылармен тығыз жұмыс жасауда, атап айтсақ: ойын, тренинг жаттығулар және т.б. Бұл алаңда ерікті оқушылармен қатар оқу жылы барасында мазасыздануы жоғары көрсеткіші анықталған оқушыларда қатынасуда.
Педагогикалық консилиумда педагог-психолог Шакирова А.А балалармен жүргізілген диагностикалық жұмыстар нәтижесімен таныстырды. Сынып жетекшілер сынып оқушылары туралы толық мәлімдеме жасалынды.
Сынып жетекшілер, мектеп әкімшілігі, педагог-психологтар және пән мұғалімдердің қатысуымен өткен педагогикалық консилиум күн тәртібіндегі мәселер қарастырылып, талқыланды
«Білім алушылардың алаңдатарлық жай-күйін жою.
Жағдайларды ойнау арқылы мектептегі қорқыныштарды пысықтау бойынша практикалық жұмыс; мінез-құлықтың икемділігіне жаттығу» тақырыбында 8-сынып оқушыларымен тренинг жаттығуларын көрсетті. Семинарға қала мектептерінің педагог-психологтары қатысты. Семинар барысында оқушылар әр жаттығуды еркін орындап, ойларын, эмоцияларын ашық түрде білдіре алды. Жаттығулардың басым көпшілігі мектептегі мазасыздық, қорқу, қобалжудың алдын алу, ойлау, зейін, есте сақтау қабілеттерін дамытуға бағытталған. Семинар соңында оқушылар алған әсерлерін түрлі эмоциялар суреттелген смайликтарды таңдау арқылы білдірді
Өзін-өзі реттеу — адамның өзінің оң қасиеттерін жетілдіру және теріс қасиеттерін жою жөніндегі саналы және мақсатты іс-әрекеті. Осы орайда мектеп психологтары педагогтармен қорқынышты жеңу, жағымсыз эмоциядан арылу мақсатында “Жәшік” және “Дем алу жаттығулары” атты эмоцияны басқару, ең басты сана,ой,қабылдауға арналған тренинг жүргізді.
кәсіби бағыттылығына
бағыт-бағдар беру мақсатында “9-сынып оқушыларының кәсіби бағыттылығына бағыт-бағдар” беруіне арналған педагогикалық консилиум өтті. Консилиумда мектеп психологі Маханбетжанова М.М
✔️Голландтың тұлғаның
типтерін анықтау тесті;,
✔️”Мамандыққа дайындық» саралаушы-диагностикалық сауалнамасы;,
✔️Қызығушылық картасы
(А.Е.Голомшок әдістемесі
бойынша);,
✔️Кәсіби бағыт-бағдар
сауалнамалары бойынша жүргізілген жұмыс қорытындысымен әр сыныпқа жекелей тоқталып, мәлімет берді.
Сынып жетекшілер “сынып туралы мәлімдеме жасап, ата-ана, оқушылармен кәсіби бағыт-бағдар бойынша жүргізген жұмыстарымен таныстырды.
Пән мұғалімдері әр сынып бойынша оқушыларға жекелей тоқталып, үлгерімі, жүргізілген жұмыстарын айтып, пікір білдірді.
Педагогикалық консилиум соңында мамандық таңдауда нақтыланбаған оқушы және ата-аналармен жұмыс жасау жалғасатынын және ата-аналардың назарын балаларының қалауына, қызығушылықтарына, қабілеттеріне аудару және оларды әрі қарай дамуына ықпал ету.
Акцияның мақсаты-кәмелетке толмағандар мен олардың ата-аналарын облыстық психологиялық қолдау орталығы туралы хабардар ету, білім алушыларға психологиялық көмек көрсету, сондай-ақ кәмелетке толмағандар мен ата-аналар жұртшылығының, сондай-ақ педагогтардың психологиялық сауаттылығын арттыру.
5-наурызда 5-11 сынып жетекшілері сынып оқушылары үшін «Бұл әлем қандай керемет,қарашы!» Бірыңғай сынып сағатын өткізді.
Сынып сағатының мақсаты: өміршеңдікті, стресске төзімділікті, позитивті өзін-өзі тануды және тиімді қарым-қатынас дағдыларын қалыптастыру.
Міндеттері:
- Кәмелетке толмағандардың өмірлік құндылықтарын қалыптастыруға ықпал ету;
- Позитивті өзін-өзі тану мен өзін-өзі бағалауды дамыту және қолдау;
- Жасөспірімдерде өміршең позицияларды қалыптастыру;
- Жасөспірімдерді өнімді ойлауға, талдауға белсендіру;
- Жасөспірім тұлғасының эмоционалды-сезімтал саласы мен құндылық қатынастарын қалыптастыру;
- Жасөспірімдерде өзінің жеке басы мен басқа адамдардың жеке басы туралы жағымды өзін өзі тануды қалыптастыру;
“Бұл әлем қандай керемет, қарашы!” бірыңғай сынып сағаты аясында 2 блокты қарастырылды: бейнероликтерді қарау және талқылау, практикалық тапсырмаларды орындау. Сынып сағаты барысында позитивті дүниетанымның маңыздылығын және өмірге құндылық ретінде қарауды көрсету қажет.
“Бұл әлем қандай керемет, қарашы!” Бірыңғай сынып сағаты
Жасөспірімдерге өміршеңдікті қалыптастыру бойынша ұсыныстар:
✔️Есіңізде болсын, сіз ерекше адамсыз! Әрқашан өз күштеріңізге және мүмкіндіктеріңізге сеніңіз!
✔️Күн тәртібін сақтаңыз.
✔️Сіздің өміріңізде болып жатқан жақсы нәрселерге назар аударыңыз!
✔️Кез-келген жағдайда позитивті іздеуге тырысыңыз.
✔️Кез келген жетістігіңізді мақтаныңыз
✔️Қиын жағдайларда сіз психологиялық қолдау өңірлік орталығына (Қостанай қ., Толстой к-сі, 49-үй) жүгіне алатыныңызды әрқашан есте сақтаңыз. Егер сіз психологқа баруға дайын болмасаңыз, тәулік бойы жұмыс істейтін «Сенім телефоны» (87142370858, 87080874201) қызметтерін пайдалана аласыз. Сіз өзіңіздің атыңызды атамай-ақ жасырын қоңырау шала аласыз, көмек пен кеңес алу үшін қиын уақытта жүгіне аласыз.
Ең бастысы, әлем әдемі! Есіңізде болсын: «Кемпірқосақты көру үшін жаңбырдан аман қалу керек!», «Бұлттардан кейін әрқашан күн болады!»
Тимбилдинг — ұйымшыл ұжым қалыптастыруға, команданың әрбір мүшесі өз орнын табуға және қабілетті барынша дамытуға жағдай жасайтын қазіргі заманғы тәсілдердің бір түрі. Тимбилдингтің барлық түрі еркін бейресми қарым – қатынас жасауды, командада жұмыс жасау, өзіне сенімділік, көшбасшылыққа баулуды үйретеді. Осы орайда мектеп психологі Маханбетжанова М.М
11-сынып оқушыларымен “Сенім менің серігім” атты шағын топқа арналған тимбилдинг жаттығуларын өткізді. Оқушылар топпен де жекелей де берілген жаттығуларды орындай білді. Әр жаттығудың өзіндік қиындықтары мен қызықтары туралы айтып, ой бөлісті.
Ашық есік күні мектеп психологі Мөлдір Мырзаханқызы 11-сынып ата-аналарымен бірге психологиялық тренинг өткізді. Алдымен эмоцияны тұрақтандыру мақсатында додекаэдр әдісін қолданды.
15 минуттық қоңырау барысында ұйымдастырылған ойын-тренинг барысы
Балалардың ойлау қабілеттерін, зейін тұрақтылығын, моторикасын дамыту мақсатында шағын орталық психологі Маханбетжанова М.М балаларға “Кім жылдам?” тренинг-ойынын өткізді. Шарт бойынша балалар 1 минутта түтікше көмегімен үрлеу арқылы стаканды мәреге жеткізу керек. Балалар қызығушылықпен орындады
“Балбөбек” шағын орталық балаларының бос уақытын тиімді ұйымдастыру мақсатында мектеп психологі Маханбетжанова М.М “Нейрогимнастика жаттығуын” өткізді.
Нейрогимнастика жаттығуының мақсаты: екі қолдың бір мезгілде қозғалысы екі жарты шарды бірден белсендіреді. Көрнекі-кеңістіктік координацияның дамуына ықпал етеді, көзбен қолдың жұмысы синхроналды, көрнекі қабылдау дағдылары бекітіледі.Психикалық белсенділікті және өнімділікті арттырады. Бұл дағдылардың барлығы балаға алған білімді тез меңгеруге көмектеседі.
Балалар белсенділікпен, қызығушылықпен жаттығуды орындай білді.
15 минуттық қоңырауда мектеп психологі Маханбетжанова М.М “Түрлі-түсті мұнара” ойын-тренинг ұйымдастырды. Мақсаты: оқушылардың зейін, ойлау қабілеттерін дамыту, өзіне сенімділігін арттыру
“Қатыгездік пен зорлық зомбылықсыз балалық шақ” ақпараттық науқаны аясында мектеп психологтары оқушылармен тренинг-ойын өткізу барысы. Ойын барысында оқушыларымыз эмоциональды көңіл-күйі көтеріліп, жеңіске ұмтылып, позитивті әсер алды.
15 минуттық қоңырау уақытында мектеп психологтары оқушыларға тренинг ұйымдастырды. “Түтікше” тренингі оқушылардың зейінін, қызығушылығын және өзара қарым-қатынасты нығайту мақсатында өткізілді. Оқушылар қызығушылықпен орындады
2024-2025 оқу жылының 5-сыныптарға арналған педконсилиумы.Оқушылардың жеке тұлғасын тереңірек зерттеу мақсатында сабақ беретін мұғалімдердің кеңесуі және оқушылармен жұмыс жасауда олардың ерекшеліктерін ескеріп, жұмысты дұрыс ұйымдастыруға бағытталған 5-сыныптың орта буынға бейімделуіне байланысты педагогикалық консилиум өтті. Сынып жетекшілер сынып туралы толық мәлімет ұсынса, мектеп психологі Маханбетжанова М.М оқушылардың орта буынға бейімделуі: есте сақтау, зейін, қабылдау деңгейі, мұғалімдермен қарым-қатынасы, эмоционалды өзін басқара алуы және интернетке тәуелділігін анықтау, оқушылардың әр пәнге қызығушылығы бойынша жүргізілген жұмыстарымен таныстырды. Мұғалімдер өзара пікір алмасып, алдағы уақытта жұмыс бағыты нақтыланды.
Жас мамандар отырысында мектеп психологтары Маханбетжанова М.М және Шакирова А.А
эмоционалды көңіл-күйді орнатып, сенімділік қалыптастыру, эмоцияны басқара білуге және де ұжымшылдыққа баулитын “Маған жетері жоқ”, “Кім жылдам?”, “Актерлік мектебіне кастинг” тақырыбында тренингтер өткізді. Жас мамандар белсене қатысып, жағымды әсерде болды.
Құрметті оқушылар, ұстаздар, ата-аналар!
17-25 желтоқсан аралығында “Психология онкүндігі” өткізілетінін хабарлаймыз.
Онкүндік аясында психоэмоционалды әл-ауқатыңызды қолдауға, өмірлік маңызды дағдыларды дамытуға бағытталған тренингтер, жеке қабылдау / кеңестер, сауалнама және т.б қызықты да пайдалы іс-шаралар күтуде.
“Психология онкүндігі” аясында педагог-психологтар 11 “А” сынып оқушыларымен шығармашылық жаттығу “Футболка. Барлығы мен туралы” өткізді.
Мақсаты: жағымды көңіл -күйді қалыптастыру, өзіңіз туралы ақпаратты өзгеге жеткізу мүмкіндігі. Тапсырмалары шығармашылық атмосферада психоэмоционалды шиеліністі жеңілдету арқылы ақпарат бөлісу.
“ Кім жылдам?” тренингінде оқушылар жылдам әрі тез ойлану арқылы берілген нұсқаулықпен орындайды.
“Лабиринт” тренингі эмоция тұрақтылық, көшбасшылыққа бағытталған.
«Community Power» Халықаралық жобаны жүзеге асыру мақсатында, кәмелетке толмағандар арасында суицидтік бейімділікті уақытылы анықтау үшін мектеп психологі Маханбетжанова М.М әріптестерге QPR технологиясының таныстырылымын өткізді. Жиын барысында жаңа тиімді әдістің мінез-құлық белгілері, триггер, тәуекел факторлары, қорғаныс факторлары туралы арнайы мысалдарды атап өтті. Топқа бөлінген әріптестер берілген “кейс” арқылы “суицидке тәуелділіктің бағалау парағы” арқылы кейсті талдап, маман ретінде ұсыныстарын білдірді.
«Community Power» Халықаралық жобаны жүзеге асыру мақсатында, кәмелетке толмағандар арасында суицидтік бейімділікті уақытылы анықтау үшін мектеп психологі Маханбетжанова М.М әріптестерге QPR технологиясының таныстырылымын өткізді. Жиын барысында жаңа тиімді әдістің мінез-құлық белгілері, триггер, тәуекел факторлары, қорғаныс факторлары туралы арнайы мысалдарды атап өтті. Топқа бөлінген әріптестер берілген “кейс” арқылы “суицидке тәуелділіктің бағалау парағы” арқылы кейсті талдап, маман ретінде ұсыныстарын білдірді.
Буллинг бойынша 6-сынып оқушыларымен тренинг барысы
14-сәуірде “Мектепалды сынып және шағын орталық” бірлестігінің “Ойынмен дамимыз, оймен асқақтаймыз” атты апталығы басталды.
Шағын орталық әдіскері: Маханбетжанова М.М апталықтың мақсаты, міндеттері, жоспарлы жұмыстарымен таныстырып және
“Мектеп жасына дейінгі білім берудегі ойын тиімділігі” атты шеберлік сағатын өткізді. Мақсаты:
педагогтерге ойын технологиясының маңызын түсіндіру, оның балалардың танымдық белсенділігін, қызығушылығын арттырудағы тиімді жолдарын көрсету.
Шеберлік сағатында психологиялық ахуал орнатып, теориялық, практикалық бөлімдермен қамтылды. Әр топқа бес дағды қалыптастыру бойынша, жасанды интеллект көмегімен тапсырмалар ұсынып, өзара ойнады. Соңында көрмеге қойылған ойын түрлерімен таныстырылып, кері байланыс жасалынды.
