2024 жылдың 17 қаңтарында мектебімізде «Міржақып Дулатұлының тәлімдік мұраларындағы мәдени-ағартушылық құндылықтары» атты қалалық ғылыми іс-тәжірибелік конференция өтті. Конференция мақсаты: Міржақып Дулатұлы қоғам қайраткері және педагог-ағартушы ретінде қалыптасуына ықпал еткен қоғамдық-әлеуметтік жағдайларды анықтау, тәлімдік мұраларындағы мәдени-ағартушылық идеяларды айқындау. Қала мектептерінің мұғалімдері аталған тақырып аясында ғылыми-ізденістері мен шығырмашылық жұмыстарын 3 бағытта ұсынды. Жалпы конференцияға 26 жұмыс ұсынылып, қорғалды. Нәтижесінде, І орын – 3 педагог; ІІ орын – 5 педагог; ІІІ орын – 7 педагог иеленді. Конференцияға қатысқан қала мектептерінің педагогтарына алғыс білдіреміз!«Міржақып Дулатұлының тәлімдік мұраларындағы мәдени-ағартушылық құндылықтары» атты қалалық ғылыми іс-тәжірибелік конференцияның іс-тәжірибелік бөлімінде бастауыш сынып, тарих және қазақ әдебиеті пәнінің мұғалімдері оқу бағдарламасы аясындағы Міржақып Дулатұлының шығармашылығы мен саяси-қоғамдық өмірін оқытуда оңтайлы тәжірибелерімен бөлісті. Өткізілген шебер-сыныптар аясында тиімді жұмыс түрлері, белсенді оқыту әдіс-тәсілдері мен оқу мақсаттарына сай тапсырмаларды ұтымды қолдануды ұсынды.
